វ៉ាក់សាំងកូវីដ 19
សំណួរម្លើយ (FAQ)
បានធ្វើបច្ចុប្បន្នភាពនៅថ្ងៃទី 7/19/2021
តើវីរុសបំប្លែងប្រភេទដែលតាជាអ្វី? តើនរណាមានហានិភ័យបំផុតក្នុងការឆ្លងវីរុសប្រភេទដែលតានេះ? (សំណួរថ្មី)
វីរុសនានាបានបង្កើតឡើងវិញដោយកូពីចម្លងខ្លួនរបស់វា។ ការចម្លងនីមួយៗគឺខុសប្លែកពីទម្រង់វីរុសដើម ហើយគេហៅវាថាប្រភេទបំប្លែងថ្មី។ “វីរុសបំប្លែងប្រភេទដែលតា” គឺជាការបំប្លែងវីរុសដែលបង្កើតជាជំងឺ COVID-19។ វីរុសប្រភេទនេះមានការឆ្លងរាលដាលខ្លាំងជាងប្រភេទវីរុសផ្សងៗទៀត។ វាអាចបង្កនូវជំងឺធ្ងន់ធ្ងរជាង។
អ្នកដែលមិនបានចាក់វ៉ាក់សាំងមានហានិភ័យខ្ពស់ក្នុងការកើតជំងឺ COVID-19។
តើវ៉ាក់សាំងបច្ចុប្បន្នមានប្រសិទ្ធភាពចំពោះវីរុសប្រភេទថ្មីដែរឬទេ?
ប្រហែលជាមានប្រសិទ្ធភាព។អ្នកជំនាញជាច្រើនជឿជាក់ថាវ៉ាក់សាំងCOVID-19នឹងមានប្រសិទ្ធភាពចំពោះវីរុសអំបូរថ្មីមួយចំនួន។ប៉ុន្តែ វ៉ាក់សាំងទាំងនេះប្រហែលជាពុំសូវមានប្រសិទ្ធភាពចំពោះអំបូរវីរុសអំបូរថ្មីមួយចំនួនឡើយ។វ៉ាក់សាំងខ្លះមានប្រសិទ្ធភាពយូរអង្វែងដូចជាវ៉ាក់សាំងរោគកញ្ជ្រឹលជាដើម។វ៉ាក់សាំងផ្សេងទៀតមានប្រសិទ្ធភាពរយៈពេលខ្លីជាងនិងចាំបាច់ត្រូវចាក់រំឭកដូចជាវ៉ាក់សាំងជំងឺផ្ដាសាយជាដើម។ក្នុងករណីជំងឺCOVID-19នេះ
យើងមិនអាចដឹងបានភ្លាមៗទេ។ទោះជាយ៉ាងណាក្ដីការចាក់វ៉ាក់សាំងបច្ចុប្បន្ននៅតែជារឿងសំខាន់បំផុត។ពីព្រោះជំងឺងឆ្លងកំពុងតែរីករាលដាលនៅឡើយ។ បើយើងចាក់វ៉ាក់សាំងកាន់តែច្រើន យើងនឹងអាចគ្រប់គ្រងជំងឺឆ្លងបានកាន់តែឆាប់រហ័ស។
ហេតុអ្វីចាំបាច់ត្រូវចាក់វ៉ាក់សាំង COVID-19?
វ៉ាក់សាំងនេះជួយការពារអ្នកមិនឱ្យឆ្លងជំងឺCOVID-19និងជួយយើងកម្ចាត់ជំងឺរាតត្បាតសកលនេះឱ្យបានឆាប់រហ័សផងដែរ។ COVID-19គឺជាជំងឺដ៏កាចសាហាវ និងងាយឆ្លងបំផុត។ វាបានឆក់យកអាយុជីវិតជនជាតិអាមេរិកាំងប្រហែល 350,000 នាក់ក្នុងឆ្នាំ 2020។ តាមការប្រៀបធៀបជំងឺផ្ដាសាយតាមរដូវបានសម្លាប់ជនជាតិអាមេរិកាំងចំនួន 34,000 នាក់នៅឆ្នាំ 2019។ ប្រសិនបើអ្នកចាក់វ៉ាក់សាំង នោះវានឹងជួយអ្នក និងអ្នកដទៃទៀតឱ្យចៀសផុតពីជំងឺកូវីដ 19។
តើវ៉ាក់សាំង COVID-19 មានប្រសិទ្ធភាពដូចម្ដេច?
ប្រសិទ្ធភាពរបស់វ៉ាក់សាំងនេះជួយឱ្យរាងកាយរបស់អ្នកស្គាល់វីរុសដែលបង្កជាជំងឺ COVID-19 ។ នៅពេលដែលរាងកាយរបស់អ្នកស្គាល់អំពីលក្ខណៈរបស់វីរុស នោះប្រព័ន្ធការពាររាងកាយរបស់អ្នកអាចប្រឆាំងនឹងវីរុសនេះ។
សូមផ្ដល់ព័ត៌មានបន្ថែមទៀត។ តើវ៉ាក់សាំងការពារអ្នកពីវីរុសយ៉ាងដូចម្ដេច?
រាងកាយរបស់អ្នកបង្កើតអង្គបដិប្រាណ (ឬអង់ទីគ័រ) ដើម្បីប្រឆាំងនឹងវីរុសកាចសាហាវដែលជ្រៀតចូលទៅក្នុងរាងកាយរបស់អ្នក។ ប៉ុន្តែពួកវាចាំបាច់ត្រូវស្គាល់អំពីប្រភេទវីរុសដែលត្រូវប្រឆាំង។ វីរុសថ្មីអាចជ្រៀតចូលក្នុងរាងកាយរបស់អ្នក ដោយអង្គបដិប្រាណរបស់អ្នកមិនស្គាល់វីរុសនោះ។ ប្រសិនបើវាចូល វីរុសអាចវាយប្រហារមុនពេលអង្គបដិប្រាណរបស់អ្នកអាចប្រឆាំងតបវិញ។ វ៉ាក់សាំងនឹងបង្វឹករាងកាយរបស់អ្នកឱ្យឆាប់ស្គាល់វីរុសដែលបង្កគ្រោះថ្នាក់ និងជំរុញឱ្យអង្គបដិប្រាណប្រឆាំងនឹងវីរុស។ ពុំមានវ៉ាក់សាំងណាមួយដែលមានផ្ទុកវីរុសឡើយ ដូច្នេះអ្នកពុំចាំបាច់បារម្ភពីការឆ្លងជំងឺ COVID-19 នោះទេ។
តើខ្ញុំគួរចាក់វ៉ាក់សាំង COVID-19 ដែរឬទេ?
យើងសូមលើកទឹកចិត្តឱ្យអ្នកដែលមានលក្ខណៈសម្បត្តិ ទៅចាក់វ៉ាក់សាំងឱ្យបានគ្រប់គ្នា។ អ្នកដែលមានអាយុ 12 ឆ្នាំឡើងទៅ អាចចាក់វ៉ាក់សាំងនៅក្នុងសហរដ្ឋអាមេរិកបាន ។ ដើម្បីទទួលបានព័ត៌មានថ្មីៗបំផុត សូមឧហ្សាហ៍ឆែកមើលព័ត៌មានជាមួយទីភ្នាក់ងារសុខភាពរដ្ឋក្នុងមូលដ្ឋានរបស់អ្នក ឬមជ្ឈមណ្ឌលបង្ការនិងគ្រប់គ្រងជំងឺឆ្លង (CDC)។
ប៉ុន្តែអ្នកគួរឱ្យវេជ្ជបណ្ឌិតពិនិត្យមើលជាមុនក្រែងលោអ្នកកំពុងមានផ្ទៃពោះ។ ហើយអ្នកមិនគួរចាក់វ៉ាក់សាំងទេ ប្រសិនបើអ្នកធ្លាប់មានប្រតិកម្មអាឡែកស៊ីធ្ងន់ធ្ងរចំពោះធាតុផ្សំណាមួយនៅក្នុងវ៉ាក់សាំងនោះ។ ចូរប្រាប់វេជ្ជបណ្ឌិតរបស់អ្នក ប្រសិនបើអ្នកមានប្រវត្តិប្រតិកម្មអាឡាក់ហ៊្សី ឬមានចម្ងល់ណាមួយ។
តើវ៉ាក់សាំង COVID-19 មានសុវត្ថិភាពដែរឬទេ?
មានសុវត្ថិភាព។ រដ្ឋបាលស្បៀងអាហារ និងឱសថសហរដ្ឋអាមេរិក (FDA) អនុម័តឱ្យប្រើវ៉ាក់សាំងណាមួយ លុះត្រាតែវ៉ាក់សាំងនោះត្រូវបានរកឃើញថាវាមានសុវត្ថិភាព និងប្រសិទ្ធភាព។ ដើម្បីទទួលបានការអនុម័តចំពោះវ៉ាក់សាំងមួយ អ្នកវិទ្យាសាស្រ្តបានធ្វើតេស្តវ៉ាក់សាំងថ្មីនីមួយៗទៅលើមនុស្សជាច្រើននាក់ដើម្បីប្រាកដថា ពួកវាមានសុវត្ថិភាព និងប្រសិទ្ធភាព។
គេបានធ្វើតេស្តវ៉ាក់សាំងរបស់ក្រុមហ៊ុន Pfizer ទៅលើជនជាតិអាមេរិកចំនួនជាង 40,000 នាក់ វ៉ាក់សាំងក្រុមហ៊ុន Moderna លើមនុស្សចំនួន 30,000 នាក់ និងចំនួន 39,000 នាក់បានធ្វើតេស្តជាមួយវ៉ាក់សាំង Janssen របស់ក្រុមហ៊ុន Johnson & Johnson។ លទ្ធផលតេស្តបានបង្ហាញថាវ៉ាក់សាំងទាំងនេះមានសុវត្ថិភាព និងប្រសិទ្ធភាព។ ហេតុដូច្នេះហើយទើប FDA បានយល់ព្រមឱ្យប្រើប្រាស់វ៉ាក់សាំងដែលផលិតដោយក្រុមហ៊ុន Pfizer Moderna ,និង Johnson & Johnson ជាបន្ទាន់ ។ វ៉ាក់សាំងជាច្រើនផ្សេងទៀតកំពុងត្រូវបានពិនិត្យមើលដើម្បីស្នើសុំការអនុម័ត និងអាចចេញឱ្យប្រើប្រាស់នៅពេលខាងមុខនេះ។
ប្រសិនបើគេអនុម័តឱ្យប្រើវ៉ាក់សាំងឆាប់រហ័សដូច្នេះ តើវាមានសុវត្ថិភាពដូចម្ដេចទៅ?
វ៉ាក់សាំងថ្មីនីមួយៗត្រូវបានធ្វើតេស្តលើសុវត្ថិភាព និងប្រសិទ្ធភាព។ វាជាការពិតសម្រាប់ Operation Warp Speed ដែលបានបង្កើនល្បឿនតេស្តវ៉ាក់សាំង។ ប៉ុន្តែទោះជាការធ្វើតេស្តប្រព្រឹត្តទៅដ៏លឿនក្ដី ក៏ពួកវាបានឆ្លងកាត់គ្រប់ដំណាក់កាលធម្មតាទាំងអស់ ដើម្បីប្រាកដថា វ៉ាក់សាំងទាំងនេះមានសុវត្ថិភាពសម្រាប់ការប្រើប្រាស់។
ការធ្វើតេស្តវ៉ាក់សាំងបានឆ្លងកាត់បីដំណាក់កាលធំៗ (ការសាកល្បងគ្លីនីកដំណាក់កាលទី I ទី II និងទី III)។ នៅដំណាក់កាលទី I វេជ្ជបណ្ឌិតផ្ដល់វ៉ាក់សាំងដល់អ្នកស្ម័គ្រចិត្ត។ ការស្រាវជ្រាវនេះផ្ដល់ព័ត៌មានអំពីបរិមាណដែលត្រូវចាក់ និងការយល់ឃើញបឋមអំពីសុវត្ថិភាពរបស់វ៉ាក់សាំង។ នៅដំណាក់កាលទី 1 មានមនុស្សមួយចំនួនតូចប៉ុណ្ណោះបានទទួលវ៉ាក់សាំងនេះ ពីព្រោះវាជាវ៉ាក់សាំងថ្មីពេក។ ប្រសិនបើវាបង្ហាញថាមានសុវត្ថិភាព បន្ទាប់មកគេធ្វើតេស្តជាបន្តទៀតនៅដំណាល់កាលទី II។
នៅដំណាក់កាលទី II គេបានធ្វើតេស្តវ៉ាក់សាំងនេះដើម្បីពិនិត្យមើលពីប្រសិទ្ធភាព និងផលរំខានរបស់វា។ ប្រសិនបើឃើញថាវាមានសុត្ថិភាព និងប្រសិទ្ធភាពហើយ គេនឹងធ្វើតេស្តនៅដំណាក់កាលទី III ជាបន្តទៀត។
នៅដំណាក់កាលទី III គេបានសាកល្បងថ្នាំនេះលើមនុស្សចំនួន 30,000 នាក់ ដើម្បីស្វែងយល់លម្អិតអំពីប្រសិទ្ធភាព និងសុវត្ថិភាពរបស់វានៅក្នុងចំណោមក្រុមមនុស្សផ្សេងៗគ្នា។
ជាធម្មតា ដំណាក់កាលទាំងបីនេះត្រូវចំណាយពេលជាច្រើនឆ្នាំ។ នេះពីព្រោះគេត្រូវការពេលវេលាស្វែងរកមូលនិធិសម្រាប់ធ្វើតេស្តវ៉ាក់សាំង រៀបចំឯកសារ និងជ្រើសរើសអ្នកស្ម័គ្រចិត្ត។ Warp Speed បានជួយឱ្យការស្រាវជ្រាវនេះដំណើរការទៅមុខបានឆាប់រហ័ស តាមរយៈការផ្ដល់មូលនិធិ និងរៀបចំឯកសារ។ ដូច្នេះ គេក៏បានធ្វើតេស្តវ៉ាក់សាំង COVID-19 ទាំងនេះទាំងបីដំណាក់កាល ដោយបង្ហាញលទ្ធផលថាពួកវាមានសុវត្ថិភាព និងប្រសិទ្ធភាព។
តើពេលណាទើបខ្ញុំអាចចាក់វ៉ាក់សាំងបាន? តើខ្ញុំទទួលវ៉ាក់សាំងតាមរបៀបណា?
រដ្ឋ ខោនធី និងក្រុងនីមួយៗមាននីតិវិធីផ្ទាល់របស់ខ្លួនសម្រាប់ការផ្ដល់វ៉ាក់សាំង។ អ្នកអាចសាកសួរវេជ្ជបណ្ឌិត និយោជក ឬមន្ទីរសុខាភិបាលក្នុងតំបន់របស់អ្នកអំពីបញ្ហានេះ។ មជ្ឈមណ្ឌលគ្រប់គ្រង និងបង្ការជំងឺឆ្លងមានវេបសាយត៍ ដែលអាចជួយអ្នកក្នុងការស្វែងរកមន្ទីរសុខាភិបាលក្នុងមូលដ្ឋានរបស់អ្នក។
https://www.cdc.gov/coronavirus/2019-ncov/vaccines/index.html
មានពាក្យចចាមអារ៉ាម និងជំនឿផ្សេងៗជាច្រើនអំពីវ៉ាក់សាំង។ តើខ្ញុំអាចទទួលបានព័ត៌មានពិតនិងត្រឹមត្រូវពីកន្លែងណា?
ប្រភពព័ត៌មានដែលត្រឹមត្រូវបំផុតគឺវេជ្ជបណ្ឌិតរបស់អ្នក ឬគេហទំព័ររបស់ទីភ្នាក់ងារសុខភាពរដ្ឋាភិបាលសហរដ្ឋអាមេរិកដូចជា មជ្ឈមណ្ឌលគ្រប់គ្រងនិងបង្ការជំងឺឆ្លង (CDC) ឬមន្ទីរសុខាភិបាលប្រចាំខោនធី តំបន់ ឬរដ្ឋជាដើម។
តើវ៉ាក់សាំងនេះធ្វើឱ្យខ្ញុំឆ្លងជំងឺ COVID-19 ដែរឬទេ?
អត់ទេ។ វ៉ាក់សាំងដែលអនុម័តឱ្យប្រើដោយ FDA នឹង មិន ធ្វើឱ្យអ្នកឆ្លងជំងឺកូរ៉ូណា (ឬហៅម្យ៉ាងទៀតថា SARS-CoV2) ពីព្រោះវាមិនផ្ទុកនូវវីរុសរស់ ដែលបង្កជាជំងឺ COVID-19 ឡើយ។
តើវ៉ាក់សាំងនេះនឹងបញ្ចូលមីក្រូឈីបក្នុងខ្លួនរបស់ខ្ញុំឬ? តើវានឹងបណ្ដាលឱ្យខ្ញុំរលូតកូន ឬគ្មានកូនឬ? តើវានឹងបំប្លែង DNA របស់ខ្ញុំដែរឬទេ?
អត់ទេ។ ការយល់ឃើញទាំងនេះមិនមែនជាការពិតឡើយ។
តើផលរំខានជារួមរបស់វ៉ាក់សាំង COVID-19 មានអ្វីខ្លះ?
វ៉ាក់សាំងដែលទទួលបានការអនុញ្ញាតអាចបង្កផលរំខានដល់ចំពោះមនុស្សមួយចំនួន។ នេះជារឿងធម្មតាទេ។ ផលប៉ះពាល់ជាទូទៅមាន៖
ឈឺចាប់ត្រង់កន្លែងចាក់ និងឈឺចាប់សាច់ដុំ និងសន្លាក់
អស់កម្លាំង
ក្ដៅខ្លួនបន្តិចបន្តួច
ឈឺក្បាល
គ្រុនរងារ
ចង់ក្អូត
ឈឺសាច់ដុំ
ផលរំខានទាំងនេះមានកម្រិតស្រាល ប៉ុន្តែជារឿយៗមានកម្រិតខ្លាំងជាងនេះ បន្ទាប់ពីចាក់
ដូសទីពីរ។ ផលរំខានភាគច្រើនបាត់ទៅវិញក្នុងរយៈពេល 1 ឬ 2 ថ្ងៃក្រោយមក។ ចូរប្រាប់
វេជ្ជបណ្ឌិតរបស់អ្នក ប្រសិនបើរោគសញ្ញារបស់អ្នករឹតតែធ្ងន់ធ្ងរ និងមិនបាត់នៅរយៈពេលប៉ុន្មានថ្ងៃក្រោយមក។
អ្នកអាចអាឡាក់ហ៊្សីចំពោះវ៉ាក់សាំងនេះ។ ប្រសិនបើអ្នកធ្លាប់មានប្រវត្តិប្រតិកម្មអាឡាក់ហ៊្សី ចូរប្រាប់វេជ្ជបណ្ឌិតរបស់អ្នកមុននឹងចាក់វ៉ាក់សាំង។
ប្រសិនបើខ្ញុំកើតជំងឺ COVID-19 រួចហើយ តើខ្ញុំគួរចាក់វ៉ាក់សាំងទៀតទេ?
ប្រាកដណាស់។ វេជ្ជបណ្ឌិតនឹងណែនាំឱ្យចាក់វ៉ាក់សាំងនេះថ្វីបើអ្នកកើតជំងឺ COVID-19 ហើយក៏ដោយ។ មានរបាយការណ៍ខ្លះបង្ហាញថា មានមនុស្សមួយចំនួនបានឆ្លងជំងឺ COVID-19 ជាលើកទី ២។
តើវ៉ាក់សាំងនេះមានប្រសិទ្ធភាពបានកម្រិតណា?
វ៉ាក់សាំងដែលផលិតឡើងដោយក្រុមហ៊ុន Moderna និង Pfizer មានប្រសិទ្ធភាពប្រហែល 95% ដែលមានន័យថា ប្រសិនបើអ្នកចាក់វ៉ាក់សាំង អ្នកមានឱកាសគេជផុតពីជំងឺ COVID-19 ប្រហែល 95% ដែលខ្ពស់ជាងការដែលអ្នកមិនបានចាក់វ៉ាក់សាំង។ វាក់សាំងរបស់ក្រុមហ៊ុន Johnson & Johnson មានប្រសិទ្ធភាព 66% ដែលនៅតែចាត់ទុកថាល្អប្រសើរ ដោយប្រៀបធៀបទៅនឹងវ៉ាក់សាំងជំងឺផ្ដាសាយធំ ដែលមានប្រសិទ្ធភាពពី 40 ទៅ 60%។ អ្នកនៅតែមានឱកាសតិចតួចក្នុងការឆ្លងជំងឺ COVID-19 ដែរ ទោះជាអ្នកចាក់វ៉ាក់សាំងហើយក៏ដោយ។ ប៉ុន្តែអ្នកគួរតែចាក់វ៉ាក់សាំង ពីព្រោះវាកាត់បន្ថយយ៉ាងច្រើននូវឱកាសចូលសម្រាកពេទ្យ ឬស្លាប់ដោយសារតែជំងឺ COVID-19 ។ អ្នកគួរតែបន្តពាក់ម៉ាស លាងសម្អាតដៃឱ្យបានញឹកញាប់ និងអនុវត្តវិធានការគម្លាតសង្គមដដែល ដូចបានណែនាំនៅក្រោមគោលការណែនាំដែលចេញផ្សាយដោយមជ្ឈមណ្ឌលគ្រប់គ្រងនិងបង្ការជំងឺឆ្លង (CDC)។
តើកូនរបស់ខ្ញុំ (អាយុក្រោម 12 ឆ្នាំ) អាចចាក់វ៉ាក់សាំងបានដែរឬទេ?
អ្នកវិទ្យាសាស្រ្តកំពុងសិក្សាអំពីសុវត្ថិភាព និងប្រសិទ្ឋិភាព នៃវ៉ាក់សាំង សម្រាប់កុមារនៅពេលនេះ។ ដើម្បីទទួលបានព័ត៌មានថ្មីៗបំផុត សូមឧហ្សាហ៍ឆែកមើលព័ត៌មានជាមួយទីភ្នាក់ងារសុខភាពរដ្ឋក្នុងមូលដ្ឋានរបស់អ្នក ឬមជ្ឈមណ្ឌលបង្ការនិងគ្រប់គ្រងជំងឺឆ្លង (CDC)។
តើនៅសហរដ្ឋអាមេរិកមានវ៉ាក់សាំងអ្វីខ្លះ?
បច្ចុប្បន្ននេះនៅសហរដ្ឋអាមេរិក មានវ៉ាក់សាំងជំងឺ COVID-19 ចំនួនបីប្រភេទ ដែលផលិតឡើងដោយក្រុហ៊ុន Pfizer BioNTech, Moderna, និង Johnson & Johnson/Janssen។
អ្វីដែលមានសុវត្ថិភាពនៅពេលនេះគឺថាខ្ញុំត្រូវចាក់វ៉ាក់សាំង?
អ្នកចាំបាច់ត្រូវរង់ចាំងរយៈពេល 2 សប្ដាហ៍បន្ទាប់ពីអ្នកបានចាក់ដូសចុងក្រោយរួច មុននឹងអ្នកគិតថា”បានចាក់វ៉ាក់សាំងពេញលេញ”។ ចំពោះវ៉ាក់សាំង Moderna និង Pfizer អ្នកត្រូវចាត់ទុកថាបានចាក់វ៉ាក់សាំងពេញលេញបន្ទាប់ពីបានចាក់ដូសទីពីរបន្ទាប់ពីរយៈពេល 2 សប្ដាហ៍ក្រោយមក។ ចំពោះវ៉ាក់សាំង Johnson and Johnson
អ្នកត្រូវចាត់ទុកថាបានចាក់វ៉ាក់សាំងពេញលេញក្រោយរយៈពេល 2 សប្ដាហ៍ បន្ទាប់ពីចាក់ដូសលើកទី១ (និងតែមួយដូសប៉ុណ្ណោះ)។
ប្រសិនបើអ្នកចាក់វ៉ាក់សាំងពេញលេញហើយ អ្នកអាចធ្វើរឿងរ៉ាវដូចខាងក្រោម៖
នៅក្នុងបន្ទប់ឬផ្ទះជាមួយអ្នកដែលបានចាក់វ៉ាក់សាំងពេញលេញ។ អ្នកអាចស្ថិតនៅក្នុងចម្លាយជិតជាង 6 ហ៊្វីត។ អ្នកមិនចាំបាច់ពាក់ម៉ាស់ឡើយ។
ស្ថិតនៅក្នុងបន្ទប់ឬផ្ទះជាមួយអ្នកដែលមិនបានចាក់វ៉ាក់សាំងមកពីគ្រួសារមួយផ្សេងទៀត។ អ្នកអាចនៅជិតជាង 6 ហ៊្វីត និងមិនពាក់ម៉ាស់។ លើកលែងតែអ្នកនោះមានបញ្ហាសុខភាពដែលធ្វើឱ្យពួកគេទទួលការឆ្លងជំងឺ COVID-19 ខ្លាំង។ ក្នុងករណីនោះ អ្នកគួរពាក់ម៉ាស់ និងអនុវត្តគម្លាតសង្គម ដើម្បីធ្វើឱ្យពួកគេមានសុវត្ថិភាព ទោះជាអ្នកបានចាក់វ៉ាក់សាំងហើយក៏ដោយ។
ស្ថិតនៅខាងក្រៅដោយមិនបាច់ពាក់ម៉ាស់ វៀរលែងតែមានមនុស្សច្រើន។ ប្រសិនបើមានមនុស្សច្រើន សូមពាក់ម៉ាស់ជាដាច់ខាត និងព្យាយាមស្ថិតនៅចម្ងាយ 6 ហ៊្វីតពីអ្នកដទៃ។
ទោះបីអ្នកបានចាក់វ៉ាក់សាំងហើយក្ដី អ្នកគួរតែចៀសឆ្ងាយពីហ្វូងមនុស្ស ជាពិសេសនៅក្នុងបន្ទប់។
សម្រាប់ព័ត៌មានបន្ថែម ចូរចូលទៅកាន់៖
https://www.cdc.gov/coronavirus/2019-ncov/vaccines/fully-vaccinated.html
តើផលប៉ះពាល់យូរអង្វែងនៃវីរុស COVID-19 មានអ្វីខ្លះ?
COVID-19 អាចបណ្ដាលឱ្យមានបញ្ហាជាច្រើនទោះជាអ្នកបានជាសះស្បើយពីជំងឺនេះក៏ដោយ។ បញ្ហារយៈពេលវែងរួមមាន៖
អស់កម្លាំង
ដកដង្ហើមខ្លី ឬពិបាកដកដង្ហើម
ក្អក
ឈឺសន្លាក់
ចុកដើមទ្រូង
មានបញ្ហាចងចាំ ផ្ចង់អារម្មណ៍ ឬដំណេក
ឈឺសាច់ដុំ ឬឈឺក្បាល
បេះដូងលោត ឬដើរញាប់
បាត់បង់ក្លិន ឬរសជាតិ
ធ្លាក់ទឹកចិត្ត ឬថប់បារម្ភ
គ្រុនក្ដៅ
វិលមុខនៅពេលអ្នកឈរ
ទោះជារោគសញ្ញារយៈពេលវែងមិនកើតមានជាទូទៅក៏ដោយ ក៍រោគសញ្ញាទាំងនេះអាចប៉ះពាល់ដល់មនុស្សដែលមានសុខភាពល្អ និងអាចប៉ះពាល់មនុស្សដែលមានរោគសញ្ញាស្រាល ឬមិនមានរោគសញ្ញា COVID-19។ ការចៀសវាងហានិភ័យនេះគឺជាហេតុផលសំខាន់មួយដែលត្រូវចាក់វ៉ាក់សាំង។
តើនរណាខ្លះត្រូវបានបញ្ចូលនៅក្នុងការសាកល្បងគ្លីនិក?
ការសាកល្បងគ្លីនិក COVID-19 បានធ្វើឡើងលើមនុស្សគ្រប់ជាតិសាសន៍និពូជសាសន៍ទាំងអស់ ហើយគេរកឃើញថាវ៉ាក់សាំងមានសុវត្ថិភាព និងប្រសិទ្ធភាពសម្រាប់មនុស្សគ្រប់រូប។
តើខ្ញុំអាចស្វែងរកចម្លើយចំពោះសំណួរផ្សេងទៀតអំពីវ៉ាក់សាំងនៅកន្លែងណា?
ប្រភេទជំងឺ បំប្លែង COVID-19 Variants COVID-19 Variants Fact Sheet
[View Khmer | ភាសាខ្មែរ Version]  
[View English Version] Topic: How to Be Safe
Source: API Forward Movement
មិនមានធានារ ៉ាប់រងសុខភាពឬ? ត្រូវការសសវាកមម COVID-19? No Health Insurance? Need COVID-19 Services? An informative flyer from the Health Resources and Services Administration about free COVID-19 testing, treatment, and vaccines available for people without health insurance.
[View Khmer | ភាសាខ្មែរ Version]  
[View English Version] Topic: How to Be Safe
Source: Hawaii State Department of Health
បញ្ជីត្រួតពិនិត្យមុនវ៉ាក់សាំងជំងឺ COVID-19 Prevaccination Checklist for COVID-19 Vaccines COVID-19 vaccination screening questions approved by the CDC.
[View Khmer | ភាសាខ្មែរ Version]  
[View English Version] Topic: How to Be Safe
Source: Hawaii State Department of Health
វ៉ាក់ ា ់ សាំង ំ ដើ ើ ម្បីី ជួ ួ យប្រ យុទ្ធ ុ ប្រ ឆាំធ ងំ នឹ ឹ ងការរាលដាលជំំ ងឺ ឺ COVID-19 Vaccines to Help Fight Against the COVID-19 Pandemic A brochure about the COVID-19 vaccine and the importance of receiving the COVID-19 vaccine.
[View Khmer | ភាសាខ្មែរ Version]  
[View English Version] Topic: How to Be Safe
Source: Hawaii State Department of Health
DOH Vaccine FAQ – Cambodian DOH Vaccine FAQ – English A list of frequently asked questions about the COVID-19 vaccine.
[View Khmer | ភាសាខ្មែរ Version]  
[View English Version] Topic: How to Be Safe
Source: Hawaii State Department of Health
ការបង្កា រការរ ីករាលដាលនៃជំងឺផ្លវូដងងហើមងៅតាមផ្ទះ Preventing the Spread of Respiratory Illness in the Home Infographic with guidance on how to clean and disinfect in the home.
[View Khmer | ភាសាខ្មែរ Version]  
[View English Version] Topic: How to Be Safe
Source: Los Angeles County (CA) Department of Public Health
ការណណនាាំសម្រាប់បុគ្គលិកណែទាំ Guidance for Custodial Staff Factsheet with guidance on sanitizing public places for custodial staff.
[View Khmer | ភាសាខ្មែរ Version]  
[View English Version] Topic: How to Be Safe
Source: Los Angeles County (CA) Department of Public Health
Stop the Spread of COVID19 (Khmer) Video on how to stop the spread of COVID-19.
[View Khmer | ភាសាខ្មែរ Version]  
Topic: How to Be Safe
Source: The Sead Project
The Safe 5 (Khmer) Video on how to stay safe including washing hands, using and disposing of tissues, not touching the face, social distancing, and staying home.
[View Khmer | ភាសាខ្មែរ Version]  
Topic: How to Be Safe
Source: The Sead Project