TranslateCovid.org

ວັກຊີນປ້ອງກັນໂຄວິດ-19

ຄຳຖາມທີ່ມັກຖາມເລື້ອຍໆ (FAQ)

ປັບປຸງເມື່ອ 7/19/2021

ສາຍພັນ ເດວຕ້າ ແມ່ນຫຍັງ? ຜູ້ທີ່ມີຄວາມສ່ຽງຫຼາຍທີ່ສຸດໃນການຕິດເຊື້ອຈາກສາຍພັນ ເດວຕ້າ ແມ່ນໃຜ? (ຄຳຖາມໃໝ່)

ໄວຣັດ ຈະແຜ່ພັນໂດຍການລອກແບບຕົວເອງ. ແຕ່ລະຕົວທີ່ລອກແບບອອກມາ ຈະແຕກຕ່າງຈາກໄວຣັດຕົວເດີມ ແລະ ເອີ້ນວ່າ: ການກາຍພັນ. ສຳລັບ “ສາຍພັນເດວຕ້າ” ແມ່ນການກາຍພັນຂອງເຊື້ອໄວຣັດທີ່ກໍ່ໃຫ້ເກີດພະຍາດໂຄວິດ-19. ສາຍພັນນີ້ແມ່ນຕິດຕໍ່ໄດ້ງ່າຍກ່ວາໄວຣັດລຸ່ນອື່ນໆ. ນອັກຈາກນັ້ນ ມັນຍັງອາດຈະເຮັດໃຫ້ເຈັບປ່ວຍຮຸນແຮງຂຶ້ນຕື່ມອີກ.

ຜູ້ທີ່ບໍ່ໄດ້ສັກວັກຊີນ ແມ່ນມີຄວາມສ່ຽງຫຼາຍກວ່າໃນການຕິດພະຍາດໂຄວິດ-19.

ວັກ ຊີນປະ ຈຸ ບັນ ຈະ ໃຊ້ ໄດ້ ຜົນ ກັບ ໄວ ຣັ ສ ສາຍ ພັນ ໃໝ່ ຫຼື ບໍ່?

ອາດຈະ. ຜູ້ຊ່ຽວຊານຫຼາຍທ່ານເຊື່ອວ່າວັກຊີນປ້ອງກັນໂຄວິດ-19 ຈະປ້ອງກັນໄວຣັສສາຍພັນໃໝ່ບາງຊະນິດໄດ້. ແຕ່ກໍ່ມີຄວາມເປັນໄປໄດ້ເຊັ່ນກັນວ່າວັກຊີນຈະມີປະສິດທິພາບໜ້ອຍລົງໃນການຕໍ່ຕ້ານໄວຣັສສາຍພັນໃໝ່ບາງຊະນິດ. ວັກຊີນບາງຊະນິດໃຊ້ໄດ້ຜົນເປັນເວລາດົນນານເຊັ່ນ: ວັກຊີນປ້ອງກັນພະຍາດໝາກສຸກ. ວັກຊີນບາງຊະນິດໃຊ້ໄດ້ ຜົນເປັນເວລາສັ້ນໆ ແລະ ຈຳເປັນຕ້ອງໄດ້ຮັບການປັບປຸງເຊັ່ນ: ວັກຊີນປ້ອງກັນໄຂ້ຫວັດໃຫຍ່. ມັນໄວເກີນໄປທີ່ຈະ ສາມາດຮູ້ໄດ້ໃນກໍລະນີຂອງໂຄວິດ-19.
ມັນຍັງເປັນສິ່ງສຳຄັນຫຼາຍທີ່ຈະສັກວັກຊີນໃນປະຈຸບັນ ເພາະຍັງມີການແຜ່ລະບາດຢູ່. ຍິ່ງມີຜູ້ສັກວັກຊີນຫຼາຍເທົ່າໃດ ພວກເຮົາກໍຈະສາມາດຄວບຄຸມການລະບາດໄດ້ໄວຫຼາຍຂຶ້ນເທົ່ານັ້ນ.

ເປັນ ຫຍັງ ການ ສີດວັກ ຊີນປ້ອງ ກັນໂຄວິດ-19 ຈຶ່ງ ສຳ ຄັນ?

ວັກຊີນຈະຊ່ວຍປ້ອງກັນຕົວທ່ານຈາກການຕິດເຊື້ອໂຄວິດ-19. ນອກນັ້ນ ຍັງຊ່ວຍໃຫ້ເຮົາຢຸດການແຜ່ລະບາດໄດ້
ໄວຂຶ້ນ.

ໂຄວິດ-19 ແມ່ນພະຍາດຕິດຕໍ່ທີ່ຮ້າຍແຮງ. ມັນເຮັດໃຫ້ຊາວອາເມລິກາເສຍຊີວິດປະມານ 350.000 ຄົນໃນປີ 2020. ເມື່ອປຽບທຽບກັນ, ໄຂ້ຫວັດໃຫຍ່ຕາມລະດູການເຮັດໃຫ້ຊາວອາເມລິກາເສຍຊີວິດ 34.000 ຄົນໃນປີ 2019. ຖ້າທ່ານໄດ້ຮັບການສັກວັກຊີນ, ມັນຈະຊ່ວຍໃຫ້ຕົວທ່ານ ແລະ ຜູ້ອື່ນປອດໄພຈາກການຕິດເຊື້ອໂຄວິດ-19.

ວັກຊີນປ້ອງກັນໂຄວິດ-19 ອອກລິດແນວໃດ?

ວັກຊີນຈະເຮັດໃຫ້ຮ່າງກາຍຂອງທ່ານຈື່ຈຳໄວຣັສທີ່ເປັນສາເຫດຂອງພະຍາດ ໂຄວິດ-19. ເມື່ອຮ່າງກາຍຂອງທ່ານຮູ້ວ່າ ໄວຣັສມີລັກສະນະແນວໃດ ລະບົບປ້ອງກັນຮ່າງກາຍຂອງທ່ານກໍ່ຈະຕໍ່ສູ້ກັບໄວຣັສໄດ້.

ຊ່ວຍບອກ ລາຍ ລະ ອຽດ ເພີ່ມ ແດ່ ໄດ້ ບໍ່ວ່າ ວັກ ຊີນ ຊ່ວຍ ປ້ອງ ກັນ ທ່ານ ຈາກໄວ ຣັ ສ ໄດ້ ແນວ ໃດ?

ຮ່າງກາຍຂອງທ່ານຈະສ້າງພູມຕ້ານທານເເພື່ອຕໍ່ສູ້ກັບໄວຣັສທີ່ເປັນອັນຕະລາຍທີ່ເຂົ້າສູ່ຮ່າງກາຍຂອງທ່ານ. ເຖິງຢ່າງໃດ
ກໍຕາມ, ສານພູມຕ້ານທານດັ່ງກ່າວຈຳເປັນຕ້ອງຮູ້ວ່າຈະຕ້ອງຕໍ່ສູ້ກັບໄວຣັສຊະນິດໃດ. ໄວຣັສຕົວໃໝ່ສາມາດເຂົ້າສູ່
ຮ່າງກາຍຂອງທ່ານໄດ້ໂດຍທີ່ສານພູມຕ້ານທານບໍ່ໄດ້ຮັບຮູ້. ຖ້າເກີດເຫດການນີ້ ໄວຣັສສາມາດທຳຮ້າຍຮ່າງກາຍຂອງທ່ານກ່ອນທີ່ສານພູມຕ້ານທານຈະຕໍ່ສູ້ກັບໄດ້. ວັກຊີນຈະຝຶກຮ່າງກາຍຂອງທ່ານໃຫ້ຮັບຮູ້ໄວຣັສທີ່ເປັນອັນຕະລາຍ
ໄດ້ຢ່າງວ່ອງໄວ ແລະ ສ້າງພູມຄຸ້ມກັນເພື່ອຕໍ່ສູ້ກັບມັນ. ບໍ່ມີວັກຊີນໃດທີ່ມີໄວຣັສທີ່ມີຊີວິດຢູ່ ດັ່ງນັ້ນທ່ານບໍ່ຕ້ອງວິຕົກ
ກັງວົນວ່າຈະຕິດເຊື້ອໂຄວິດ-19.

ຂ້ອຍ ຄວນ ສັກ ວັກ ຊີນ ປ້ອງ ກັນໂຄວິດ-19 ບໍ?

ພວກເຮົາຂໍແນະນຳໃຫ້ທຸກຄົນທີ່ມີສິດໄດ້ຮັບວັກຊີນ. ໃຜກໍຕາມທີ່ມີອາຍຸ 12 ປີ ຫຼື ສູງກວ່ານັ້ນສາມາດຮັບວັກຊີນໄດ້ໃນສະຫະລັດອາເມຣິກາ. ກວດເບິ່ງເປັນປະຈຳກັບໜ່ວຍງານສາທາລະນະສຸກໃນພື້ນທີ່ຂອງທ່ານ ຫຼື ສູນຄວບຄຸມ ແລະ
ປ້ອງກັນໂລກ (Centers for Disease Control and Prevention : CDC) ເພື່ອຮັບຂໍ້ມູນອັບເດດຫຼ້າສຸດ.
ເຖິງຢ່າງໃດກໍຕາມ, ທ່ານຄວນສອບຖາມທ່ານໝໍກ່ອນຖ້າທ່ານກຳລັງຖືພາ ແລະ ບໍ່ຄວນສັກວັກຊີນຖ້າທ່ານເຄີຍມີ
ອາການແພ້ສ່ວນປະສົມໃນວັກຊີນຢ່າງຮຸນແຮງ. ສອບຖາມທ່ານໝໍກ່ອນຖ້າທ່ານເຄີຍມີປະຫວັດອາການແພ້ ຫຼື
ມີຄຳຖາມ.

ວັກ ຊີນປ້ອງ ກັນໂຄວິດ-19 ມີ ຄວາມ ປອດ ໄພ ຫຼື ບໍ່?

ມີ. ສຳນັກງານຄະນະກຳມະການຄຸ້ມຄອງອາຫານ ແລະ ຢາຂອງສະຫະລັດອາເມລິກາ (FDA) ຈະອະນຸມັດວັກຊີນ
ຫຼັງຈາກເຫັນວ່າມີຄວາມປອດໄພ ແລະ ມີປະສິດທິພາບເທົ່ານັ້ນ. ເພື່ອໃຫ້ວັກຊີນໄດ້ຮັບການອະນຸມັດ ນັກວິທະຍາສາດຈະເຮັດການທົດສອບວັກຊີນໃໝ່ແຕ່ລະຕົວກັບຄົນຈຳນວນຫຼາຍເພື່ອຮັບປະກັນວ່າມີຄວາມປອດໄພ ແລະ ມີປະສິດ
ທິພາບ.
ມີຊາວອາເມລິກາຫຼາຍກວ່າ 40.000 ຄົນ ເຂົ້າຮັບການທົດລອງວັກຊີນ Pfizer, 30.000 ຄົນເຂົ້າຮັບການທົດລອງວັກຊີນ Moderna ແລະ 39,000 ຄົນເຂົ້າຮັບການທົດລອງວັກຊີນ Johnson & Johnson’s Janssen ຜົນການທົດລອງເຫຼົ່ານີ້ສະແດງໃຫ້ເຫັນວ່າວັກຊີນມີຄວາມປອດໄພ ແລະ ມີປະສິດທິພາບ. ດ້ວຍເຫດນີ້, ສຳນັກງານຄະນະກຳມະການຄຸ້ມຄອງອາຫານ ແລະ ຢາຂອງສະຫະລັດອາເມລິກາ (FDA) ຈຶ່ງໄດ້ອະນຸມັດວັກຊີນທີ່ຜະລິດໂດຍ Pfizer, Moderna ແລະ Johnson & Johnson ເພື່ອໃຊ້ໃນກໍລະນີສຸກເສີນ. ກຳລັງມີການພິຈາລະນາວັກຊີນເພີ່ມເຕີມເພື່ອຂໍອະນຸມັດ ແລະ ອາດມີການນຳໃຊ້ໃນອະນາຄົດ.

ຖ້າ ວັກ ຊີນ ໄດ້ ຮັບ ການ ອະ ນຸ ມັດ ຢ່າງວ່ອງ ໄວ, ມັນ ຈະ ມີ ຄວາມ ປອດ ໄພ ໄດ້ ແນວ ໃດ?

ຈະມີການທົດລອງວັກຊີນໃໝ່ແຕ່ລະຊະນິດເພື່ອໃຫ້ມີຄວາມປອດໄພ ແລະ ມີປະສິດທິພາບ. ນີ້ຄືເລື່ອງຈິງສຳລັບ
ໂຄງການ ປະຕິບັດການເລັ່ງດ່ວນ (Operation Warp Speed) ເຊິ່ງເລັ່ງເຮັດການທົດລອງວັກຊີນ. ເຖິງແມ່ນວ່າ ການທົດລອງຈະໄວຂຶ້ນ ແຕ່ວັກຊີນກໍຕ້ອງຜ່ານຂັ້ນຕອນການທົດລອງທີ່ເປັນປົກກະຕິທັງໝົດເພື່ອຮັບປະກັນວ່າມີຄວາມ
ປອດໄພ.
ມີການທົດລອງວັກຊີນຜ່ານສາມຂັ້ນຕອນຫຼັກ (ຂັ້ນຕອນທີ 1, ຂັ້ນຕອນທີ 2, ຂັ້ນຕອນທີ 3 ການທົດລອງທາງ
ຄລີນິກ). ໃນຂັ້ນຕອນທີ 1 ທ່ານໝໍຈະສີດວັກຊີນໃຫ້ອາສາສະໝັກ. ງານວິໄຈນີ້ຈະໃຫ້ຂໍ້ມູນກ່ຽວກັບປະລິມານວັກຊີນທີ່ຕ້ອງສີດ ແລະ ແນວຄິດເບື້ອງຕົ້ນກ່ຽວກັບຄວາມປອດໄພຂອງວັກຊີນ. ມີຄົນຈຳນວນໜ້ອຍດຽວເທົ່ານັ້ນທີ່ສັກ
ວັກຊີນໃນຂັ້ນຕອນທີ 1 ເພາະວ່າເປັນວັກຊີນໃໝ່. ຖ້າວັກຊີນມີຄວາມປອດໄພ ກໍຈະເຮັດການທົດລອງເພີ່ມເຕີມ
ໃນຂັ້ນຕອນທີ 2.
ໃນຂັ້ນຕອນທີ 2, ຈະເຮັດການທົດລອງວັກຊີນ ເພື່ອກວດສອບເບິ່ງວ່າມັນໄດ້ຮັບຜົນດີປານໃດ ແລະ ເພື່ອຄົ້ນຫາຜົນຂ້າງຄຽງ. ຖ້າວັກຊີນມີຄວາມປອດໄພ ແລະ ມີປະສິດທິພາບດີ ກໍ່ຈະມີການສຶກສາຢ່າງລະອຽດໃນຂັ້ນຕອນທີ 3.
ໃນຂັ້ນຕອນທີ 3, ຈະມີການສັກວັກຊີນໃຫ້ກັບຄົນຫຼາຍກວ່າ 30.000 ຄົນ ເພື່ອໃຫ້ໄດ້ຂໍ້ມູນລາຍລະອຽດເພີ່ມເຕີມກ່ຽວກັບປະສິດທິພາບ ແລະ ຄວາມປອດໄພຂອງວັກຊີນໃນຈຳນວນຄົນທີ່ແຕກຕ່າງກັນ.
ປົກກະຕິແລ້ວ, ທັງສາມຂັ້ນຕອນນີ້ຈະຕ້ອງໃຊ້ເວລາຫຼາຍປີ ເພາະວ່າຕ້ອງໃຊ້ເວລາໃນການຈັດຫາເງິນທຶນເພື່ອເຮັດການທົດລອງວັກຊີນ, ຍື່ນເອກະສານ ແລະ ຮັບສະໝັກອາສາສະໝັກ. ໂຄງການປະຕິບັດການເລັ່ງດ່ວນຈະຊ່ວຍເຮັດໃຫ້ການຄົ້ນຄວ້າວິໄຈດຳເນີນໄປໄດ້ໄວຂຶ້ນດ້ວຍການໃຫ້ເງິນທຶນ ແລະ ເຮັດໃຫ້ການຍື່ນເອກະສານໄວຂຶ້ນ. ດັ່ງນັ້ນ, ວັກຊີນ
ປ້ອງກັນໂຄວິດ-19 ຈຶ່ງໄດ້ຮັບການທົດລອງໃນສາມຂັ້ນຕອນ ແລະ ຜົນປະກົດວ່າມີຄວາມປອດໄພ ແລະ ມີປະສິດທິພາບດີ.

ຂ້ອຍ ສາ ມາດ ສັກ ວັກ ຊີນ ໄດ້ ເມື່ອ ໃດ? ຂ້ອຍ ສາ ມາດ ສັກ ວັກ ຊີນໄດ້ ແນວ ໃດ?

ໃນແຕ່ລະລັດ, ເຂດ ແລະ ເມືອງ ຈະມີການດຳເນີນການສັກວັກຊີນ. ທ່ານສາມາດສອບຖາມທ່ານໝໍ, ນາຍຈ້າງ ຫຼື ພະແນກສາທາລະນະສຸກປະຈຳທ້ອງຖິ່ນທີ່ທ່ານອາໄສຢູ່. ສູນຄວບຄຸມ ແລະ ປ້ອງກັນໂລກມີເວັບໄຊ ເຊິ່ງສາມາດຊ່ວຍທ່ານຄົ້ນຫາພະແນກສາທາລະນະສຸກປະຈຳທ້ອງຖິ່ນທີ່ທ່ານອາໄສຢູ່.

https://www.cdc.gov/coronavirus/2019-ncov/vaccines/index.html

ມີ ຂ່າວ ລື ແລະ ຄຳ ເລົ່າ ລື ຈຳ ນວນຫຼາຍ ກ່ຽວ ກັບ ວັກ ຊີນ. ຂ້ອຍ ສາ ມາດ ຂໍ ຂໍ້ ມູນ ຄວາມ ຈິງທີ່ ຖືກ ຕ້ອງໄດ້ ຢູ່ ໃສ?

ແຫຼ່ງຂໍ້ມູນທີ່ຖືກຕ້ອງທີ່ສຸດຄືທ່ານໝໍຂອງທ່ານ ຫຼື ເວັບໄຊຂອງໜ່ວຍງານດ້ານສຸຂະພາບຂອງສະຫະລັດອາເມລິກາເຊັ່ນ: ສູນຄວບຄຸມ ແລະ ປ້ອງກັນໂລກ (CDC) ຫຼື ໜ່ວຍງານສາທາລະນະສຸກຂອງລັດ ຫຼື ເຂດທ້ອງຖິ່ນ.

ວັກ ຊີນ ຈະ ແຜ່ເຊື້ອໂຄວິດ-19 ສູ່ ຂ້ອຍບໍ?

ບໍ່. ວັກຊີນທີ່ໄດ້ຮັບການອະນຸມັດຈາກສຳນັກງານຄະນະກຳມະການຄຸ້ມຄອງອາຫານ ແລະ ຢາຂອງສະຫະລັດ
ອາເມລິກາຈະບໍ່ແຜ່ໂຄໂຣນ້າໄວຣັສ (ຫຼື ທີ່ຮູ້ກັນໃນນາມໄວຣັສໂຄໂຣນ້າສາຍພັນກຸ່ມອາການທາງເດີນຫາຍໃຈ
ສຽບພັນຮຸນແຮງ 2 (SARS-CoV2) ເນື່ອງຈາກບໍ່ມີໄວຣັສທີມີຊີວິດຢູ່ເຊິ່ງເປັນສາເຫດເຮັດໃຫ້ເກີດໂຄວິດ-19.

ວັກ ຊີນ ຈະ ຝັງ ໄມ ໂຄ ຣ ຊິບ ເຂົ້າ ໄປ ໃນ ຮ່າງ ກາຍ ຂອງ ຂ້ອຍບໍ? ວັກ ຊີນ ຈະ ເຮັດ ໃຫ້ ແທ້ງ ລູກ ຫຼື ເຮັດ ໃຫ້ ເປັນ ໝັນ ບໍ່? ມັນ ຈະ ປ່ຽນ ດີ ເອັນ ເອ ຂອງ ຂ້ອຍ ບໍ່?

ບໍ່. ແນວຄວາມຄິດນີ້ບໍ່ແມ່ນຄວາມຈິງ.

ຜົນ ຂ້າງ ຄຽງ ທີ່ມັກ ພົບ ໃນວັກ ຊີນປ້ອງ ກັນໂຄວິດ-19 ມີ ຫຍັງ ແດ່?

ວັກຊີນທີ່ໄດ້ຮັບການອະນຸມັດ ສາມາດເຮັດໃຫ້ເກີດຜົນຂ້າງຄຽງໄດ້ໃນບາງຄົນ ເຊິ່ງເປັນເລື່ອງປົກກະຕິ. ຜົນຂ້າງຄຽງທີ່ມັກພົບໄດ້ແກ່:

ປວດບໍລິເວນທີ່ສັກວັກຊີນ ລວມທັງກ້າມເນື້ອ ແລະ ຂໍ້ຕໍ່ອື່ນໆ.
ເມື່ອຍເພຍ
ໄຂ້ເລັກໜ້ອຍ
ເຈັບຫົວ
ໜາວສັ່ນ
ປວດຮາກ
ເຈັບກ້າມ

ຜົນຂ້າງຄຽງບໍ່ຮຸນແຮງ ແຕ່ມັກຈະສັງເກດເຫັນໄດ້ຊັດເຈນຂຶ້ນຫຼັງຈາກສັກວັກຊີນຄັ້ງທີສອງ. ຜົນຂ້າງຄຽງສ່ວນໃຫຍ່ ຈະເຊົາເອງຫຼັງຈາກ 1-2 ວັນ. ປຶກສາກັບທ່ານໝໍຂອງທ່ານຖ້າວ່າອາການຂອງທ່ານບໍ່ດີຂຶ້ນ ຫຼື ບໍ່ຫາຍໄປພາຍໃນສອງສາມມື້.
ມີຄວາມເປັນໄປໄດ້ທີ່ທ່ານອາດແພ້ວັກຊີນ. ຖ້າທ່ານມີປະຫວັດການແພ້ວັກຊີນຄວນປຶກສາທ່ານໝໍກ່ອນສັກວັກຊີນ.

ຖ້າ ຂ້ອຍຕິດເຊື້ອໂຄວິດ-19 ແລ້ວ ຂ້ອຍ ຄວນ ສັກ ວັກ ຊີນ ອີກ ບໍ່?

ຄວນ. ທ່ານໝໍແນະນຳໃຫ້ສັກວັກຊີນເຖິງແມ່ນວ່າທ່ານຈະຕິດເຊື້ອໂຄວິດ-19 ແລ້ວກໍຕາມ. ມີລາຍງານວ່າ ມີບາງຄົນທີ່ເຄີຍປ່ວຍຈາກການຕິດເຊື້ອໂຄວິດ-19 ແລະ ກັບມາປ່ວຍຍ້ອນການຕິດເຊື້ອໂຄວິດ-19 ອີກຄັ້ງ.

ຖ້າ ຂ້ອຍ ກຳ ລັງ ຖື ພາ ຫຼື ໃຫ້ ນົມ ລູກ ຂ້ອຍ ຄວນ ສັກ ວັກ ຊີນປ້ອງ ກັນ ໂຄວິດ-19 ບໍ່?

ອາດຈະ. ປະຈຸບັນນີ້ເບິ່ງຄືວ່າວັກຊີນຈະມີຄວາມປອດໄພຕໍ່ແມ່ຍິງຖືພາ ແຕ່ກໍ່ບໍ່ຮູ້ແນ່ນອນ. ເຖິງແມ່ນວ່າພວກເຮົາ ອາດຈະຮູ້ໃນອະນາຄົດ ແຕ່ກໍ່ຍັງບໍ່ມີງານວິໄຈພຽງພໍ.
ປຶກສານຳທ່ານໝໍຂອງທ່ານ. ທັງສູນຄວບຄຸມ ແລະ ປ້ອງກັນໂລກ (CDC) ແລະ ມະຫາວິທະຍາໄລສູຕິນາລີແພດ ແລະ ນາລີແພດອາເມລິກາກ່າວວ່າມັນເປັນທາງເລືອກສ່ວນບຸກຄົນ. ທ່ານສາມາດເຂົ້າໄປທີ່ເວັບໄຊ ເພື່ອຊອກຫາຂໍ້ມູນ ເພີ່ມເຕີມ.

https://www.cdc.gov/coronavirus/2019-ncov/vaccines/recommendations/pregnancy.html

https://www.acog.org/covid-19/covid-19-vaccines-and-pregnancy-conversation-guide-for-clinicians

ວັກ ຊີນ ມີ ປະ ສິດ ທິ ພາບຫຼາຍ ປານ ໃດ?

ວັກຊີນທີ່ພັດທະນາໂດຍ Moderna ແລະ Pfizer ມີປະສິທິພາບປະມານ 95% ໃນການປ້ອງກັນບໍ່ໃຫ້ຄົນປ່ວຍຈາກການຕິດເຊື້ອໂຄວິດ-19. ຖ້າທ່ານສັກວັກຊີນນັ້ນໝາຍຄວາມວ່າໂອກາດທີ່ທ່ານຈະຕິດເຊື້ອໂຄວິດ-19 ນັ້ນ ຫຼຸດລົງປະມານ 95% ຫຼາຍກວ່າຖ້າທ່ານບໍ່ເຄີຍສັກວັກຊີນ. ວັກຊີນຂອງ Johnson & Johnson ມີປະສິດທິພາບ 66% ເຊິ່ງຍັງມີປະສິດທິພາບຫຼາຍ. ສຳລັບການປຽບທຽບກັນ, ວັກຊີນປ້ອງກັນໄຂ້ຫວັດໃຫຍ່ມັກມີປະສິດທິພາບ 40-60%.
ຍັງມີໂອກາດໜ້ອຍໜຶ່ງທີ່ທ່ານຈະຕິດເຊື້ອໂຄວິດ -19 ເຖິງແມ່ນວ່າທ່ານໄດ້ສັກວັກຊີນແລ້ວກໍຕາມ. ແຕ່ທ່ານຄວນຮັບວັກຊີນ ເພາະມັນຈະຊ່ວຍຫຼຸດໂອກາດໃນການເຂົ້າຮັບການຮັກສາໃນໂຮງໝໍ ຫຼື ເສຍຊີວິດຈາກພະຍາດໂຄວິດ-19 ໄດ້ຫຼາຍ.
ທ່ານຄວນສວມໃສ່ໜ້າກາກອະນາໄມ, ລ້າງມືເປັນປະຈຳ ແລະ ປະຕິບັດການເວັ້ນໄລຍະຫ່າງທາງສັງຄົມຕາມການແນະນຳພາຍໃຕ້ຄຳແນະນຳຫຼ້າສຸດທີ່ກຳນົດອອກໂດຍ ສູນຄວບຄຸມ ແລະ ປ້ອງກັນໂລກ (Centers for Disease Control and Prevention : CDC).

ລູກຂອງຂ້ອຍ ( ອາ ຍຸ ຕ່ຳ ກວ່າ 12 ປີ) ສາ ມາດ ສັກ ວັກ ຊີນ ໄດ້ບໍ?

ນັກວິທະຍາສາດກຳລັງສຶກສາຄວາມປອດໄພ ແລະ ປະສິດຕິຜົນຂອງຢາວັກຊີນສຳລັບເດັກນ້ອຍໃນຕອນນີ້. ກວດເບິ່ງເປັນປະຈຳກັບໜ່ວຍງານສາທາລະນະສຸກໃນທ້ອງຖິ່ນຂອງທ່ານ ຫຼື ສູນຄວບຄຸມ ແລະ ປ້ອງກັນໂລກ (Centers for Disease Control and Prevention : CDC) ສຳລັບຂໍ້ມູນໃໝ່ຫຼ້າສຸດ.

ມີ ວັກ ຊີນໃດ ແດ່ຢູ່ ໃນ ສະ ຫະ ລັດ ອາ ເມຣິ ກາ?

ໃນຕອນນີ້, ມີວັກຊີນປ້ອງກັນໂຄວິດ-19 ສາມຊະນິດໃນສະຫະລັດອາເມຣິກາ. ພວກມັນຖືກຜະລິດໂດຍ Pfizer BioNTech, Moderna ແລະ Johnson & Johnson/Janssen.

ຕອນນີ້ ຂ້ອຍ ໄດ້ ສັກ ວັກ ຊີນ ແລ້ວ ຈະ ເຮັດ ຫຍັງ ໄດ້ ຢ່າງ ປອດ ໄພ?

ທ່ານຕ້ອງລໍຖ້າເປັນເວລາ 2 ອາທິດຫຼັງຈາກການສັກວັກຊີນຄັ້ງສຸດທ້າຍຂອງທ່ານ ກ່ອນທີ່ທ່ານຈະຖືກພິຈາລະນາວ່າ “ໄດ້ຮັບວັກຊີນຄົບຖ້ວນ”. ສຳລັບວັກຊີນ Moderna ແລະ Pfizer, ທ່ານຈະໄດ້ຮັບວັກຊີນຄົບຖ້ວນ 2 ອາທິດ ຫຼັງຈາກການສັກຄັ້ງທີສອງຂອງທ່ານ. ສຳລັບວັກຊີນ Johnson & Johnson, ທ່ານຈະໄດ້ຮັບວັກຊີນຄົບຖ້ວນ 2 ອາທິດຫຼັງຈາກການສັກຄັ້ງທຳອິດ (ແລະ ຄັ້ງດຽວ) ຂອງທ່ານ.
ຖ້າທ່ານໄດ້ຮັບວັກຊີນຄົບຖ້ວນ, ທ່ານສາມາດເຮັດສິ່ງຕ່າງໆໄດ້ເຊັ່ນ:

ຢູ່ໃນຕຶກອາຄານກັບຜູ້ຄົນອື່ນໆອີກຈຳນວນໜຶ່ງທີ່ໄດ້ຮັບວັກຊີນຄົບຖ້ວນ. ທ່ານສາມາດຢູ່ໃກ້ກັນຕໍ່າກວ່າ 6 ຟຸດ. ທ່ານບໍ່ຈຳເປັນຕ້ອງສວມໃສ່ໜ້າກາກອະນາໄມ.
ຢູ່ໃນຕຶກອາຄານກັບຄົນທີ່ຍັງບໍ່ໄດ້ຮັບວັກຊີນຈາກຄົວເຮືອນອື່ນໆ. ທ່ານສາມາດຢູ່ໃກ້ກັນຕໍ່າກວ່າ 6 ຟຸດ ແລະ ບໍ່ຈຳເປັນຕ້ອງສວມໃສ່ໜ້າກາກອະນາໄມ. ຂໍ້ຍົກເວັ້ນຄື ຄົນເຫຼົ່ານັ້ນມີບັນຫາສຸຂະພາບທີ່ເຮັດໃຫ້ພວກເຂົາມີແນວໂນ້ມທີ່ຈະປ່ວຍໜັກຈາກໂຄວິດ-19. ໃນກໍລະນີນັ້ນ, ທ່ານຄວນສວມໃສ່ໜ້າກາກອະນາໄມ ແລະ ປະຕິບັດການເວັ້ນໄລຍະຫ່າງທາງສັງຄົມເພື່ອໃຫ້ພວກເຂົາປອດໄພ ເຖິງແມ່ນວ່າທ່ານໄດ້ຮັບວັກຊີນແລ້ວກໍ່ຕາມ.
ຢູ່ນອກສະຖານທີ່ໂດຍບໍ່ໃສ່ໜ້າກາກອະນາໄມ ນອກຈາກວ່າຈະມີຄົນໜາແໜ້ນຫຼາຍ. ຖ້າມີຄົນໜາແໜ້ນ, ກະລຸນາສວມໃສ່ໜ້າກາກອະນາໄມ ແລະ ພະຍາຍາມຢູ່ຫ່າງຈາກຄົນອື່ນ 6 ຟຸດ.

ເຖິງແມ່ນວ່າທ່ານຈະໄດ້ຮັບວັກຊີນແລ້ວກໍ່ຕາມ, ທ່ານຄວນຫຼີກລ່ຽງກຸ່ມຄົນຈຳນວນຫຼາຍ ໂດຍສະເພາະເມື່ອຢູ່ໃນຕຶກອາຄານ.
ສຳລັບຂໍ້ມູນເພີ່ມເຕີມ, ໃຫ້ໄປທີ່: https://www.cdc.gov/coronavirus/2019-ncov/vaccines/fully-vaccinated.html

ຜົນກະທົບໃນໄລຍະຍາວຂອງເຊື້ອໄວຣັສໂຄວິດ-19 ມີຫຍັງແດ່?

ໂຄວິດ-19 ສາມາດເຮັດໃຫ້ເກີດປັນຫາໄດ້ ເຖິງແມ່ນວ່າທ່ານຈະເຊົາຈາກການຕິດເຊື້ອແລ້ວກໍ່ຕາມ. ບັນຫາໄລຍະຍາວເຫຼົ່ານີ້ປະກອບມີ:

ເມື່ອຍລ້າ
ຫາຍໃຈຖີ່ ຫຼື ຫາຍໃຈລຳບາກ
ໄອ
ປວດຂໍ້
ເຈັບໜ້າເອິກ
ບັນຫາກ່ຽວກັບຄວາມຈຳ, ສະມາທິ ຫຼື ການນອນຫຼັບ
ປວດກ້ານເນື້ອ ຫຼື ປວດຫົວ
ຫົວໃຈເຕັ້ນໄວ ຫຼື ເຕັ້ນແຮງ
ບໍ່ຮູ້ກິ່ນ ຫຼື ລົດຊາດ
ອາການຊຶມເສົ້າ ຫຼື ວິຕົກກັງວົນ
ໄຂ້
ວິນຫົວເມື່ອທ່ານລຸກຂຶ້ນຢືນ

ເຖິງແມ່ນວ່າອາການໄລຍະຍາວຈະບໍ່ມັກເກີດຂຶ້ນ, ພວກມັນກໍ່ສາມາດສົ່ງຜົນກະທົບຕໍ່ຄົນທີ່ມີສຸຂະພາບແຂງແຮງ ແລະ ສາມາດສົ່ງຜົນກະທົບຕໍ່ຜູ້ທີ່ມີອາການບໍ່ຮຸນແຮງ ຫຼື ບໍ່ມີເລີຍຈາກໂຄວິດ-19. ການຫຼີກລ້ຽງຄວາມສ່ຽງນີ້ເປັນເຫດ ຜົນສຳຄັນໃນການຮັບວັກຊີນ.

ຜູ້ໃດຖືກລວມເຂົ້າໃນການທົດລອງທາງດ້ານຄລີນິກ ແດ່?

ການທົດລອງທາງຄລີນິກຂອງໂຄວິດ-19 ປະກອບມີຜູ້ຄົນທຸກເຊື້ອຊາດ ແລະ ຊາດພັນ ແລະ ພົບວ່າວັກຊີນມີຄວາມປອດໄພ ແລະ ມີປະສິດທິຜົນສຳລັບຜູ້ຄົນທຸກພູມຫຼັງ.

ຂ້ອຍສາມາດຊອກຫາຄຳຕອບຂອງຄຳຖາມອື່ນໆກ່ຽວກັບວັກຊີນໄດ້ຢູ່ໃສ?

ທ່ານສາມາດກວດເບິ່ງໄດ້ທີ່ເວັບໄຊຂອງສູນຄວບຄຸມ ແລະ ປ້ອງກັນໂລກໄດ້ທີ່ນີ້:

https://www.cdc.gov/coronavirus/2019-ncov/vaccines/8-things.html

https://www.cdc.gov/coronavirus/2019-ncov/vaccines/facts.html

ບ ໍ ໍ່ ມປະກ ີ ນສຸຂະພາບບ ັ ? ໍ ຕອງການການບ ້ ລ ໍ ການພະຍາດ ິ COVID-19 ບ?ໍ
No Health Insurance? Need COVID-19 Services?
An informative flyer from the Health Resources and Services Administration about free COVID-19 testing, treatment, and vaccines available for people without health insurance.
[View Laotian | ພາສາລາວ Version] [View English Version]
Topic: How to Be Safe
Source: Hawaii State Department of Health

ລາຍການກວດການສັກວັກຊີນກ່ອນໜ້າສຳລັບວັກຊີນ COVID-19
Prevaccination Checklist for COVID-19 Vaccines
COVID-19 vaccination screening questions approved by the CDC.
[View Laotian | ພາສາລາວ Version] [View English Version]
Topic: How to Be Safe
Source: Hawaii State Department of Health

ຢາວັວັກກ ັ ຊີນ ີີ ເພື່່ ພື່່ ອ ຊ່່ວຍໃນ ຊ່່ ການຕໍ່່ ຕໍ່່ ສູ້້ຕ້້ ສູ້້ ານຕ້້ ການລະບາດຂອງ ພະຍາດ COVID-19
Vaccines to Help Fight Against the COVID-19 Pandemic
A brochure about the COVID-19 vaccine and the importance of receiving the COVID-19 vaccine.
[View Laotian | ພາສາລາວ Version] [View English Version]
Topic: How to Be Safe
Source: Hawaii State Department of Health

DOH Vaccine FAQ – Laotian
DOH Vaccine FAQ – English
A list of frequently asked questions about the vaccine.
[View Laotian | ພາສາລາວ Version] [View English Version]
Topic: How to Be Safe
Source: Hawaii State Department of Health

ປອ້ ງການການແຜລ່ີ ະບາດ ຂອງພະຍາດ COVID-19
Prevent the Spread of COVID-19
Infographic on how to identify COVID-19 symptoms, and how to prevent the spread of COVID-19
[View Laotian | ພາສາລາວ Version] [View English Version]
Topic: How to Be Safe
Source: Minnesota State Department of Health

ການກຽມພອ້ ມສາໍ ລບັ COVID-19
Preparing for COVID-19
Infographic on how to prepare for COVID-19.
[View Laotian | ພາສາລາວ Version] [View English Version]
Topic: Quick Facts
Source: Minnesota State Department of Health

ພະຍາດໂຄໂຣນາໄວຣສັ 2019 (COVID-19)
Coronavirus Disease 2019 (COVID-19)
Factsheet about COVID-19.
[View Laotian | ພາສາລາວ Version] [View English Version]
Topic: Quick Facts
Source: Minnesota State Department of Health

ສ່ງິ ທ່ີຕອ້ ງເຮັດໃນເວລາທ່ີທາ່ ນລໍຖາ້ ຜນົ ກວດໂຄວດິ -19
What to Do While You Wait for a COVID-19 Test Result
Infographic on what to do while you wait for your COVID-19 test results.
[View Laotian | ພາສາລາວ Version] [View English Version]
Topic: Quick Facts
Source: Minnesota State Department of Health

ສ່ງິ ທ່ີຈະຕອ້ ງເຮັດເມ່ອື ທາ່ ນມພີ ະຍາດ COVID-19
What To Do if You Have COVID-19
Infographic on what to do if you contract COVID-19.
[View Laotian | ພາສາລາວ Version] [View English Version]
Topic: How to Be Safe
Source: Minnesota State Department of Health

ສງທຈະຕອ້ ງເຮດເມອທາ່ ນໄດສ້ າຜດ ່ ໃກຊ້ ດິ ກບັ ຜທູ້ ີເປັນພະຍາດ COVID-19
What to Do if You Have Had Close Contact With a Person With COVID-19
Infographic on what to do if you came into contact with someone who has COVID-19.
[View Laotian | ພາສາລາວ Version] [View English Version]
Topic: How to Be Safe
Source: Minnesota State Department of Health

1 2

COVID-19 コロナウイルス կորոնավիրուս 코로나 바이러스 कोरोनावाइरस

ວັກຊີນປ້ອງກັນໂຄວິດ-19

ຄຳຖາມທີ່ມັກຖາມເລື້ອຍໆ (FAQ)